ਕੋਟਕਪੂਰਾ: ਪੰਜਾਬ ਪੁਲਿਸ ਦਾ ASI ਇੱਕ ਲੱਖ ਵੱਢੀ ਲੈਂਦਿਆਂ ਗ੍ਰਿਫਤਾਰ, ਕੇਸ ਰੱਦ ਕਰਵਾਉਣ ਲਈ ਮੰਗੇ ਸੀ 1.5 ਲੱਖ ਰੁਪਏ

ਕੋਟਕਪੂਰਾ: ਪੰਜਾਬ ਪੁਲਿਸ ਦੇ ਏ.ਐਸ.ਆਈ ਨੇ ਕੇਸ ਰੱਦ ਕਰਵਾਉਣ ਦੇ ਬਦਲੇ ਇੱਕ ਵਿਅਕਤੀ ਤੋਂ ਡੇਢ ਲੱਖ ਰੁਪਏ ਦੀ ਰਿਸ਼ਵਤ ਮੰਗੀ। ਮੁਲਜ਼ਮ ਏਐਸਆਈ ਨੇ ਇੱਕ ਲੱਖ ਰੁਪਏ ਲੈ ਕੇ ਵੀ ਕੇਸ ਰੱਦ ਨਹੀਂ ਕੀਤਾ।

 
ਕੋਟਕਪੂਰਾ: ਪੰਜਾਬ ਪੁਲਿਸ ਦਾ ASI ਇੱਕ ਲੱਖ ਵੱਢੀ ਲੈਂਦਿਆਂ ਗ੍ਰਿਫਤਾਰ, ਕੇਸ ਰੱਦ ਕਰਵਾਉਣ ਲਈ ਮੰਗੇ ਸੀ 1.5 ਲੱਖ ਰੁਪਏ

ਕੋਟਕਪੂਰਾ ਥਾਣਾ ਸਿਟੀ ਦੀ ਪੁਲਿਸ ਨੇ ਇੱਕ ਅਪਰਾਧਿਕ ਕੇਸ ਨੂੰ ਰੱਦ ਕਰਵਾਉਣ ਦੇ ਨਾਮ ‘ਤੇ ਡੇਢ ਲੱਖ ਰੁਪਏ ਦੀ ਰਿਸ਼ਵਤ ਮੰਗਣ ਅਤੇ 1 ਲੱਖ ਰੁਪਏ ਦੀ ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਤਤਕਾਲੀ ਹੌਲਦਾਰ ਅਤੇ ਮੌਜੂਦਾ ਏ.ਐਸ.ਆਈ. ਬੋਹੜ ਸਿੰਘ ਖਿਲਾਫ ਭ੍ਰਿਸ਼ਟਾਚਾਰ ਰੋਕੂ ਐਕਟ ਤਹਿਤ ਮਾਮਲਾ ਦਰਜ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ‘ਚ ਅਨੰਤਦੀਪ ਸਿੰਘ ਰੋਮਾ ਬਰਾੜ ਵਾਸੀ ਆਨੰਦ ਨਗਰ ਨੇ ਦੱਸਿਆ ਕਿ ਉਸ ਦੀ ਮਾਤਾ ਸੁਰਿੰਦਰਪਾਲ ਕੌਰ ਵਾਰਡ ਨੰ: 2 ਦੀ ਐਮ.ਸੀ ਹੈ, ਜਿਸ ਕਾਰਨ ਉਹ ਕੰਮ ਲਈ ਥਾਣਾ ਸਿਟੀ ਵਿਖੇ ਆਉਂਦਾ-ਜਾਂਦਾ ਰਹਿੰਦਾ ਸੀ |. ਸਾਲ 2019 ‘ਚ ਹੌਲਦਾਰ ਬੋਹੜ ਸਿੰਘ ਥਾਣਾ ਸਿਟੀ ‘ਚ ਬਤੌਰ ਹੈੱਡ ਕਲਰਕ ਤਾਇਨਾਤ ਸੀ ਅਤੇ ਲੋਕਾਂ ਦੇ ਕੰਮ ਕਰਵਾਉਣ ਸਮੇਂ ਉਸ ਦੀ ਜਾਣ-ਪਛਾਣ ਹੈੱਡ ਕਲਰਕ ਨਾਲ ਹੋ ਗਈ।

ਸ਼ਿਕਾਇਤ ਅਨੁਸਾਰ ਅਨੰਤਦੀਪ ਸਿੰਘ ਖ਼ਿਲਾਫ਼ ਸਤੰਬਰ 2015 ਵਿੱਚ ਥਾਣਾ ਸਿਟੀ ਕੋਟਕਪੂਰਾ ਵਿੱਚ ਅਪਰਾਧਿਕ ਮਾਮਲਾ ਦਰਜ ਹੋਇਆ ਸੀ ਅਤੇ ਇਹ ਕੇਸ ਨਵੰਬਰ 2015 ਵਿੱਚ ਰੱਦ ਕਰ ਦਿੱਤਾ ਗਿਆ ਸੀ, ਜਿਸ ਦੀ ਰਿਪੋਰਟ ਦਸੰਬਰ 2016 ਵਿੱਚ ਅਦਾਲਤ ਵਿੱਚ ਪੇਸ਼ ਕੀਤੀ ਗਈ ਸੀ ਪਰ ਜਦੋਂ ਸ਼ਿਕਾਇਤਕਰਤਾ ਨਾ ਮੰਨੇ ਤਾਂ ਅਦਾਲਤ ਨੇ ਕੇਸ ਨੂੰ ਖਾਰਜ ਕਰ ਦਿੱਤਾ ਸੀ, ਜਿਸ ਨੂੰ ਮੁੜ ਜਾਂਚ ਲਈ ਪੁਲੀਸ ਕੋਲ ਭੇਜ ਦਿੱਤਾ ਗਿਆ ਸੀ।

ਇਸ ਮਾਮਲੇ ਸਬੰਧੀ ਜਦੋਂ ਅਨੰਤਦੀਪ ਸਿੰਘ ਨੇ ਹੈੱਡ ਮੁਨਸ਼ੀ ਬੋਹੜ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਡੇਢ ਲੱਖ ਰੁਪਏ ਲੈ ਕੇ ਉਨ੍ਹਾਂ ਦਾ ਕੇਸ ਰੱਦ ਕਰਵਾਉਣ ਦਾ ਦਾਅਵਾ ਕੀਤਾ। ਸੌਦਾ ਤੈਅ ਹੋਣ ਤੋਂ ਬਾਅਦ ਉਸ ਨੇ ਬੋਹੜ ਸਿੰਘ ਨੂੰ 50 ਹਜ਼ਾਰ ਰੁਪਏ ਨਕਦ ਦਿੱਤੇ ਅਤੇ ਬਾਅਦ ਵਿੱਚ 50 ਰੁਪਏ ਦਾ ਚੈੱਕ ਵੀ ਦਿੱਤਾ, ਜੋ ਉਸ ਨੇ ਬੈਂਕ ਵਿੱਚੋਂ ਵੀ ਕੈਸ਼ ਕਰਵਾ ਲਿਆ। ਇਸ ਤੋਂ ਬਾਅਦ ਮੁਲਜ਼ਮ ਨੇ ਨਾ ਤਾਂ ਉਸ ਦਾ ਕੇਸ ਰੱਦ ਕਰਵਾਇਆ ਅਤੇ ਨਾ ਹੀ ਉਸ ਦੇ ਪੈਸੇ ਵਾਪਸ ਕੀਤੇ, ਉਲਟਾ ਉਹ ਉਸ ਕੋਲੋਂ ਬਾਕੀ 50 ਹਜ਼ਾਰ ਰੁਪਏ ਦੀ ਮੰਗ ਕਰ ਰਿਹਾ ਹੈ।

ਥਾਣਾ ਸਿਟੀ ਦੇ ਐਸਐਚਓ ਇੰਸਪੈਕਟਰ ਮਨੋਜ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਪੁਲੀਸ ਨੇ ਬਿਆਨਾਂ ਦੇ ਆਧਾਰ ’ਤੇ ਏਐਸਆਈ ਬੋਹੜ ਸਿੰਘ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ ਅਤੇ ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
 

Tags